२०८१ भाद्र २३
चैबिसै घण्टा सरकार ढाल्ने र गठबन्धन तोड्ने कसरत भइरहेको छ : प्रधानमन्त्री
![](https://www.manangonline.com/wp-content/uploads/2023/12/photo-1024x556.webp)
काठमाडौँ, प्रधानमन्त्री पुष्पकमल दाहालले चैबिसै घण्टा सरकार ढाल्ने कसरत भइरहेको आरोप लगाएका छन् ।
नेकपा माओवादी केन्द्रको पार्टी कार्यालय पेरिसडाँडामा सोमबार भएको प्रेस सेन्टरको कार्यक्रममा उनले गठबन्धन तोड्ने र सरकार ढाल्ने प्रयास भइरहेको बताएका हुन् ।
‘अहिले रातदिन विभिन्न किसिमले गठबन्धन तोड्ने, सरकार ढाल्ने अर्को बनाउने के के भन्ने त रातदिन एकथरीको खेल कसरत भइ नै रहेको छ’, उनले भने, ‘तर मैले हेर्दा र गठबन्धनका बैठकहरु सबै गर्दा केही हुनेवाला छैन । यो गठबन्धन पूरै अवधि जान्छ ।’
प्रचण्डले आफ्नो सरकारको एक वर्षको समीक्षा गर्ने र अर्को एक वर्षका लागि नयाँ रणनीति बनाउने योजना पनि भने ।
प्रतिक्रिया दिनुहोस्