२०८१ भाद्र २३
अमेरिकामा चक्कु प्रहारबाट चार जनाको हत्या, सातजना घाइते ।
![](https://www.manangonline.com/wp-content/uploads/2024/03/4293586-1250000773.jpg)
काठमाण्डौँ, अमेरिकाको इलिनोइस राज्यमा एक व्यक्तिले धारिलो हतियार प्रहार गरी चार जनाको हत्या गरेका छन् । आक्रमणमा परी अन्य सात जना घाइते भएका छन् ।
राकफोर्ड शहरका प्रहरी प्रमुख कार्ला रेडका अनुसार एक जना २२ वर्षीय युवकले चक्कु प्रहार गरेका थिए ।
चक्कु प्रहारबाट दुई महिला र दुई पुरुषको मृत्यु भएको छ । उनीहरु १५ देखि ६३ वर्ष उमेर समूहका छन् । घाइतेमध्ये एकजनाको अवस्था गम्भीर रहेको प्रहरी प्रमुख कार्लाले बताए ।
आक्रमण गर्ने व्यक्तिलाई प्रहरीले पक्राउ गरेर अनुसन्धान सुरु गरेको छ । प्रहरीका अनुसार हत्याको कारण खुलेको छैन ।
प्रतिक्रिया दिनुहोस्