गाजाको रफाह सीमा क्षेत्रमा आवागमन खोल्ने विषयमा छलफल हुने ।

काठमाण्डौँ, गाजाको रफाह सीमा क्षेत्रमा आवागमन खोल्ने विषयमा छलफल गर्न आज कायरोमा बैठक गर्ने इजिप्ट, इजरायल र संयुक्त राज्य अमेरिकाका अधिकारीहरूले जनाएका छन् ।
इजिप्टको अल–काहेरा टिभीले तीनै देशका अधिकारीहरूलाई उद्धृत गरी गाजाको रफाह सीमा क्षेत्रमा आवागमन खोल्ने विषयमा छलफल हुने जनाएको हो । इजिप्टले प्यालेस्टिनी पक्ष इजरायलको नियन्त्रणमा रहेसम्म राफा नाका नखोल्ने आफ्नो अडानमा रहेको बताएको उच्च सुरक्षा स्रोतलाई उद्धृत गर्दै समाचारमा उल्लेख छ ।
इजिप्टले सीमामा आवतजावत बन्द गर्न र गाजा पट्टीमा बिग्रँदो मानवीय स्थितिका लागि इजरायली पक्षलाई जिम्मेवार ठह¥याएको छ ।
इजरायली सेनाले मे ७ मा प्यालेस्टाइनी पक्षमाथि आफ्नो नियन्त्रण लागू गरेको घोषणा गरेदेखि यो नाका बन्द गरिएको हो । गाजा र इजिप्टको बिचमा रहेको रफाह पारगरी घाइते र बिरामीलाई उपचारका लागि विदेश लैजान र गाजा क्षेत्रमा मानवीय र राहत सहायता प्रदान गर्न मुख्य प्रवेशद्वार हो ।
सन् २०२३ अक्टोबर ७ देखि इजरायलले गाजा पट्टीमा हमास आन्दोलन (हमास समूह) विरुद्ध ठूलो मात्रामा आक्रमण गरिरहेको छ । आक्रमणका कारण ३६ हजारभन्दा बढी प्यालेस्टिनीहरूको मृत्यु भएको गाजाका स्वास्थ्य अधिकारीहरूले बताएका छन् ।