आज नेपाल समुह चरणको अन्तिम खेल खोल्दै, सेमिफाइनल पुग्न जित्नैपर्ने दबाब

काठमाण्डौँ, एसिसी महिला एसिया कप क्रिकेट प्रतियोगिताको समूह चरण अन्तर्गत आफ्नो अन्तिम खेलमा नेपालले आज भारतसँग खेल्दैछ ।
श्रीलंकाको रंगिरी डम्बुला अन्तर्राष्ट्रिय क्रिकेट मैदानमा हुने खेल नेपाली समयअनुसार बेलुका सवा ७ बजेबाट सुरु हुनेछ ।
पहिलो खेलमा यूएईलाई ६ विकेटले हराएको नेपाल दोस्रो खेलमा पाकिस्तानसँग ९ विकेटले पराजित भएको थियो । सेमिफाइनलमा पुग्नका लागि नेपाललाई आज भारतलाई जित्नुपर्ने हुन्छ ।
समूह ‘ए’ मा नेपाल र पाकिस्तानको समान २–२ अंक छ । भारतले २ खेल जितिसकेको छ । यूएई २ खेलमा पराजित भएको छ ।