आज त्रिचन्द्रको स्ववियु निर्वाचन, अध्यक्षमा ९ प्रतिस्पर्धी।

काठमाण्डौँ, आज काठमाण्डौँको त्रिचन्द्र क्याम्पसमा स्ववियु निर्वाचन हुँदैछ ।
त्रिचन्द्र क्याम्पसको स्ववियु अध्यक्षमा नेविसंघका गोविन्द कोइराला, अनेरास्ववियुका प्रमित विष्ट र अखिल (क्रान्तिकारी)का प्रदिप भट्ट सहित विभिन्न संघसंगठन र स्वतन्त्र गरी ९ जना उम्मेदवार प्रतिस्पर्धामा छन् ।
यसैगरी अखिल क्रान्तिकारीकै मुना पौडेल, नेपाल स्वाभिमानी स्वतन्त्र विद्यार्थी संघका विवेक बानिया, नेपाल क्रान्तिकारी विद्यार्थी संघकी जेनिशा तिमिल्सेना, राष्ट्रिय प्रजातान्त्रिक विद्यार्थी संगठनका अश्विन नेपाल पनि अध्यक्ष पदको प्रतिस्पर्धामा छन् ।
श्रीधर श्रेष्ठ र सागर न्यौपानेले स्वतन्त्र रुपमा उम्मेदवारी दिएका छन् ।
सचिवमा ७ जना, कोषाध्यक्षमा ६ जना, प्रत्यक्षतर्फको सदस्यको लागि २९ जना र समानुपातिकतर्फको सदस्यका लागि २४ जना उम्मेदवार रहेको निर्वाचन समितिले जनाएको छ ।