मनाङ जिल्ला विपद् ब्यवस्थापन समिति बैठक सम्पन्न, चारैवटा पालिकामा गोदाम घर निमार्ण गरिने ।

चामे, हिमालपारिको जिल्ला मनाङको विपद् व्यवस्थापन बैठक सम्पन्न भएको छ ।
प्रमुख जिल्ला अधिकारी मातृका आचार्यको अध्यक्षतामा शुक्रबार बसेको जिल्ला विपद् व्यस्थापन समितिको बैठकले कोतोमा रहेको ईलाका प्रहरी कार्याललाई तिमाङमा रहेको पाँच रोपनी जग्गामा स्थान्तरणका लागि सम्बन्धीत निकायहरुलाई पत्रचार गर्ने निणर्य गरेको छ ।
त्यसैगरी, नेपाल सरकार गृहमन्त्रालयको निर्देशन अनुसार मनाङ जिल्लाका चारवटै पालिकाहरुमा खुल्ला क्षेत्र पहिचान गरी विपद्का बेला प्रयोग हुने सम्पूर्ण सामाग्रीहरु राख्न र विपद्का बेला जनतालाई पनि सुरक्षीतसंग राख्नका लागि गोदामघरको निमार्ण गर्ने निणर्य गरेको छ ।
शुक्रबार अबेरसम्म बसेको  बैठकले गतबर्षको बर्खामा तिमाङखाको पूल नजीक थुप्रीएका सबै बस्तुहरुलाई हटाई बाटोलाई थप क्षती हुुनबाट बचाउने र उक्त बस्तुहरु प्रयोगका लागि सम्बन्धीत निकार्यलाई पत्रचार गर्ने निर्णय समेत गरेको छ ।