२०८१ भाद्र २३
नेपाल वायुसेवा निगमका दुई कर्मचारी निलम्बित
![](https://www.manangonline.com/wp-content/uploads/2023/12/nac_lvja9rY4Nw1685189441_1024.jpg)
काठमाडौँ, नेपाल वायुसेवा निगमले दुई कर्मचारीलाई निलम्बन गरेको पत्रचार गरेको छ । निलम्बन पर्नेमा यात्रुसेवा विभागका अधिकृत होमनाथ पोखरेल र वरिष्ठ सहायक अरविन्द यादव रहेका निगमका मानव संसाधन विभागका प्रमुख अशोक सिग्देलले बताए ।
पोखरेल र यादव नक्कली कागजपत्र बनाएर भिजिट भिसामा विदेश पठाउने गिरोहसँग मिलेमतो गरेको आरोपमा गत मंसिर १९ गते पक्राउ परेका थिए । प्रहरीले आज पोखरेल र यादव पक्राउ परेको जानकारी निगमलाई गराएपछि उनीहरुलाई निलम्बनको पत्र काटिएको सिग्देलले बताए ।
अध्यागमन र विभिन्न एयरलाइन्सका कर्मचारीकै मिलेमतोमा नक्कली कागजात बनाएर भिजिट भिसामा विदेश पठाइने गरेको खुलासा यसअघि प्रहरीले गरेको थियो ।
प्रतिक्रिया दिनुहोस्