२०८१ भाद्र २३
नेपाली कांग्रेसको तीनवटै प्रतिवेदन पारित, निर्वाचन समिति गठन ।
![](https://www.manangonline.com/wp-content/uploads/2024/02/media1620987843-MK.jpg)
काठमाण्डौँ, नेपाली कांग्रेसले संघीय संसद, संसदीय दल कार्यसमितिको निर्वाचन गराउन निर्वाचन समिति बनाएको छ ।
शुक्रबार बसेको कार्यसमिति बैठकले सह–महामन्त्री भीष्मराज आङ्दम्बेको संयोजकत्वमा तीन सदस्यीय समिति बनाएको हो । समितिमा पुष्पा भुसाल र प्रकाश रसाइली स्नेही सदस्य छन् ।
बैठकले महासमितिमा पेश गर्ने तीनवटै प्रतिवेदन उपर प्राप्त सुझावलाई समावेश गरी परिमार्जनसहित पेश गर्ने गरी पास गरेको छ ।
साथै महासमिति सदस्य नरहेका प्रदेश सभापति, जिल्ला सभापति र भ्रातृ तथा शुभेच्छुक संस्थाका केन्द्रीय अध्यक्षहरुलाई आमन्त्रित सदस्यका रुपमा सहभागी गराउने निर्णय समेत गरेको छ ।
प्रतिक्रिया दिनुहोस्