नेपालद्वारा श्रीलङ्का १–० गोलअन्तरले पराजित ।

काठमाडौं । साफ यू–२० पुरुष च्यामिपयनसिप फुटबल प्रतियोगिताको उद्घाटन खेलमा नेपालले श्रीलङ्कालाई १–० गोलअन्तरले हराउँदै सुखद् सुरुवात गरेको छ ।
सातदोबाटोस्थित एन्फा कम्प्लेक्समा भएको खेलमा नेपालले श्रीलङ्कालाई १–० गोलअन्तरले पराजित गर्दै सुखद् सुरुवात गरेको हो । जितसँगै नेपालले तीन अङ्क जोडेको छ ।
नेपालको जितमा निराजन धामीले खेलको २४औँ मिनेटमा गोलगरी अग्रता दिलाएका थिए ।
च्याम्पियनसिपको समूह ‘ए’मा नेपाल, श्रीलङ्का र बङ्गलादेश छन् भने समूह ‘बी’मा भारत, माल्दिभ्स र भुटान छन् । समूह ‘ए’को खेलमा श्रीलङ्का बङ्गलादेशसँग पराजित भएमा नेपाल एक खेल अगाबै सेमिफाइनल पुग्नेछ ।
प्रतियोगिता अन्तर्गत आज समूह ‘बी’मा रहेको भारत र भुटानबीच प्रतिस्पर्धा हुनेछ । उक्त खेल दिउँसो ३ बजेदेखि हुनेछ ।